Baćku Kanapackaj dazvolili adkłaści doŭh pierad dziaržavaj na $8,5 miljona
26.05.2020 / 12:07
Baćka byłoj deputatki Pałaty pradstaŭnikoŭ Hanny Kanapackaj — viadomy biznesmien Anatol Truchanovič. U pačatku 90-ch jaho navat nazyvali pieršym aficyjnym dalaravym miljanieram u Biełarusi. U intervju TUT.BY biznesmien raskazaŭ pra svaje aktyvy, u tym liku pra Puchavicki kambinat chlebapraduktaŭ — u siamji Truchanoviča ciapier 44% akcyj pradpryjemstva.
Praŭda, ščyra pryznavaŭsia pradprymalnik, kambinat stratny: «Kali ja byŭ maładym i bahatym, to zduru kupiŭ akcyi Puchavickaha KCHP. Mnie zdavałasia, što karmy dla žyvioł, hetak ža jak i leki, zaŭsiody buduć zapatrabavanyja na rynku. Bo, naprykład, u canie kiłahrama śvininy dola koštu kambikormu składaje 78-82%. Zychodziačy z takich mierkavańniaŭ ukłaŭsia ŭ hetyja pradpryjemstvy. I ciapier u mianie tolki prablemy».
Dniami Saviet ministraŭ vydaŭ pastanovu, pavodle jakoj akazałasia, što Puchavicki KCHP uvajšoŭ u pieralik pradpriemstvaŭ, jakim dazvolili restrukturyzavać doŭh pierad dziaržavaj. Ahułam kambinat vinien respublikanskamu biudžetu amal 20 miljonaŭ (19 823 560 rubloŭ).