Прэзідэнцкія выбары ў Польшчы могуць адбыцца 28 чэрвеня
27.05.2020 / 22:08
Прэм'ер-міністр Польшчы Матэуш Маравецкі заявіў, што прэзідэнцкія выбары адбудуцца ў чэрвені, кіруючая партыя «Права і справядлівасць» назвала 28 чэрвеня крайняй датай галасавання, піша Reuters.
Дакладная дата выбараў прэзідэнта Польшчы, першапачаткова прызначаных на 10 мая, да гэтага часу не вызначана. Кіруючая партыя абвінавачвае кантраляваны апазіцыяй Сенат у тым, што ён зацягвае працу над законам аб арганізацыі прэзідэнцкіх выбараў.