У міліцыі пракаментавалі затрыманні пасля пікетаў у Мінску
07.06.2020 / 21:34
Затрыманні прайшлі пасля пікетаў па зборы подпісаў за вылучэнцаў у прэзідэнты, якія былі арганізаваны на Камароўскім рынку.
«Цяпер супрацоўнікамі міліцыі затрыманыя арганізатары і актыўныя ўдзельнікі несанкцыянаванага мерапрыемства. У дачыненні да іх вядзецца адміністрацыйны працэс», — пракаментавалі БелТА ў ГУУС Мінгарвыканкама.
Некаторыя грамадзяне пры затрыманні аказвалі непадпарадкаванне законнаму патрабаванню праваахоўнікаў, тым самым перашкаджалі іх працы, заявілі ў міліцыі.
«Высвятляюцца іншыя асобы, якія таксама ўзялі ўдзел у несанкцыянаваным мітынгу», — дадалі ў ГУУС.