Žurnalisty «Biełsata» napisali knihu pra rolu Biełarusi va ŭkrainska-rasijskaj vajnie
22.06.2020 / 13:21
Charkaŭskaje vydaviectva «Folia» padrychtavała da druku knihu žurnalistaŭ «Biełsata» Kaciaryny Andrejevaj i Ihara Iljaša «Biełaruski Danbas». Elektronnaja viersija knihi ŭžo pradajecca na sajcie vydaviectva.
«My pastaralisia zakranuć usie aśpiekty: ad historyj biełarusaŭ pa abodva baki frontu da nielehalnaha handlu dziaržaŭnych pradpryjemstvaŭ z ŁNR i DNR, ad mietadaŭ pracy siłavikoŭ da palityčnaj kanjunktury apošnich hadoŭ i infarmacyjnaj stratehii ŭładaŭ», — kaža Kaciaryna Andrejeva
Ihar Iljaš miarkuje, što jość šmat mifaŭ vakoł roli Biełarusi ŭ hetaj vajnie.
«Meta knihi ŭ tym liku — raźviančać hetyja mify. Naprykład, niekatoryja ŭpeŭnienyja, što biełaruskija śpiecsłužby adnolkava pieraśledvali našych hramadzianaŭ na baku Ukrainy i na baku prarasijskich bajevikoŭ. Adnak nasamreč ja asabista sustrakaŭsia ŭ Biełarusi z bajevikami, i navat paśla intervju ich nie čapali ni MUS, ni KDB. Bolš za toje, im na radzimie vydavali novyja dakumienty», — raspaviadaje Iljaš.