Znoŭ u elitu

Junijorskaja zbornaja Biełarusi pa chakiei (uzrost hulcoŭ da 18 hadoŭ) daterminova zavajavała pucioŭku ŭ vyšejšy dyvizijon čempijanatu śvietu

11.04.2009 / 20:13

Junijorskaja zbornaja Biełarusi pa chakiei (uzrost hulcoŭ da 18 hadoŭ) daterminova zavajavała pucioŭku ŭ vyšejšy dyvizijon čempijanatu śvietu, zaniaŭšy pieršaje miesca na turniry ŭ hrupie "A" pieršaha dyvizijona, što prachodzić u Minsku.

Heta stała mahčymym dziakujučy subotniamu paražeńniu hałoŭnaha kankurenta biełarusaŭ, zbornaj Kazachstana, ad kamandy Vienhryi — 1:6 (0:2, 0:1, 1:3). Apošnija try šajby prajhraŭšyja prapuścili na praciahu troch zaklučnych chvilin treciaha pieryjadu.

U troch papiarednich matčach kazachstancy stracili tolki dva ački, ustupiŭšy ŭ aviertajmie palakam (3:4). Vienhierskaja ž zbornaja straciła piać ačkoŭ, a ŭ papiaredniaj sustrečy z bujnym likam prajhrała Polščy (0:9).

Stanovišča kamand paśla čatyroch turaŭ:
Biełaruś — 11 ačkoŭ (roźnica šajb 17-5), Polšča — 8 (21-10), Vienhryja — 7 (14-18), Kazachstan — 7 (15-15), Litva — 3 (10-12), Ukraina — 0 (7-24).

11 krasavika Polšča abyhrała Ukrainu — 7:3.

Pa vynikach zaklučnaha tura palaki mohuć dahnać biełarusaŭ, ale haspadary čempijanatu majuć pieravahu dziakujučy pieramozie ŭ asabistaj sustrečy (4:1).

12 krasavika projduć matčy Litva — Polšča, Ukraina — Vienhryja i

Biełaruś — Kazachstan.
Biełaruskija chakieisty viartajucca ŭ vyšejšy dyvizijon paśla hadavoha pierapynku.
Na čempijanacie śvietu 2008 hoda ŭ Kazani jany zaniali pieradapošniaje 9-je miesca i razam z datčanami pakinuli hrupu najmacniejšych. Skandynavy nie zmahli pieramahčy na anałahičnym turniry ŭ hrupie "V" u Italii, ustupiŭšy pieršaje miesca łatyšam.