U Hrodnie pačaŭsia sud nad Cichanoŭskim. Heta pakul administratyŭny praces, ale ludziej poŭnaja zała
01.07.2020 / 10:24
Sud prachodzić anłajn
Sud Leninskaha rajona Hrodna 1 lipienia pačaŭ administracyjny praces nad błohieram Siarhiejem Cichanoŭskim, piša «Radyjo Svaboda».
Błohiera vinavaciać u niepadparadkavańni milicyi (artykuł 23.4 KaAP).
Na pasiadžeńnie sabrałasia poŭnaja zała ludziej: paplečniki Cichanoŭskaha, žurnalisty, šmat mužčyn spartovaha vyhladu.
Spravu razhladaje sudździa Jury Kazakievič. Cichanoŭskaha abaraniaje advakat Andrej Ščapiatkoŭ.
«Tut inšaha nie pryviaduć. Tut ža SIZA», — pažartavaŭ Cichanoŭski, kali sud pačaŭ vyśviatlać jahonuju asobu.
U vyniku Siarhiej Cichanoŭski atrymaŭ 15 sutak aryštu.
Treba zaznačyć, što sud nie źviazany naŭprost z kryminalnaj spravaj, za jakuju Cichanoŭskaha pryznali palityčnym źniavolenym. Suda pavodle kryminalnaj spravy (art. 342) jašče nie było.