Piaskoŭ pra vybary: Situacyja ŭ Biełarusi — unutranaja sprava krainy
15.07.2020 / 12:46
TASS
Rasija nie budzie ŭmiešvacca ŭ prezidenckija vybary ŭ Biełarusi. Pra heta ŭ sieradu paviedamiŭ pres-sakratar rasijskaha prezidenta Dźmitryj Piaskoŭ, paviedamlaje TASS.
Pa słovach Piaskova, u Kramli vybary ŭ susiedniaj dziaržavie aceńvajuć jak unutranuju spravu Biełarusi. «My sapraŭdy bližej adna da adnoj, čym inšyja krainy, u siłu charaktaru našaj Sajuznaj dziaržavy, ale hetyja vybary adnosiacca da sfiery suvierenitetu Biełarusi, i my nie budziem tudy ŭmiešvacca», — paabiacaŭ jon.