Ноччу ў працы Telegram у Беларусі адбыўся збой
16.07.2020 / 09:17
Прыкладна з 2:00 да 3:00 16 ліпеня ў Беларусі назіраліся праблемы ў працы Telegram, заўважыў Tut.by.
«Уначы з 01:58 да 2:50 у Беларусі не працаваў Telegram», «Telegram не грузіўся нават з Wi-Fi», «сёння а 2-й ночы не працаваў наогул — ні з МТС, ні з A1» — такія і падобныя паведамленні дасылалі чытачы.
Паводле звестак сэрвісу Downdetector, паведамленні аб збоях былі з усіх абласных гарадоў Беларусі, а таксама Мазыра, Пінска, Ліды, Наваполацка, Барысава і Жодзіна.