Еўрасаюз абнавіў спіс краін для адкрыцця межаў. Беларусі ў ім ізноў няма

16.07.2020 / 18:17

Еўрапейскі Саюз абнавіў спіс краін, грамадзянам якіх рэкамендуюць адкрыць межы краін-членаў ЕС. Беларусі ў гэтым спісе па-ранейшаму няма.

Спіс краін, для якіх адмяняюцца абмежаванні на паездкі, будуць пераглядаць кожныя два тыдні. Зыходзячы з рэкамендацый, краіны ЕС з 16 ліпеня павінны пачаць здымаць абмежаванні для ўезду грамадзян такіх краін:

• Алжыр;
• Аўстралія;
• Канада;
• Грузія;
• Японія;
• Марока;
• Новая Зеландыя;
• Руанда;
• Паўднёвая Карэя;
• Тайланд;
• Туніс;
• Уругвай;
• Кітай (пры ўмове пацвярджэння ўзаемнага адкрыцця межаў).

Са спісу выключылі Чарнагорыю і Сербію — зараз турысты гэтых краін не могуць патрапіць у ЕС.

Nashaniva.com