Jeŭrasajuz abnaviŭ śpis krain dla adkryćcia miežaŭ. Biełarusi ŭ im iznoŭ niama
16.07.2020 / 18:17
Jeŭrapiejski Sajuz abnaviŭ śpis krain, hramadzianam jakich rekamiendujuć adkryć miežy krain-členaŭ ES. Biełarusi ŭ hetym śpisie pa-raniejšamu niama.
Śpis krain, dla jakich admianiajucca abmiežavańni na pajezdki, buduć pierahladać kožnyja dva tydni. Zychodziačy z rekamiendacyj, krainy ES z 16 lipienia pavinny pačać zdymać abmiežavańni dla ŭjezdu hramadzian takich krain:
- Ałžyr;
- Aŭstralija;
- Kanada;
- Hruzija;
- Japonija;
- Maroka;
- Novaja Ziełandyja;
- Ruanda;
- Paŭdniovaja Kareja;
- Tajłand;
- Tunis;
- Uruhvaj;
- Kitaj (pry ŭmovie paćviardžeńnia ŭzajemnaha adkryćcia miežaŭ).
Sa śpisu vyklučyli Čarnahoryju i Sierbiju — zaraz turysty hetych krain nie mohuć patrapić u ES.