Міністра абароны Малдовы атакавала рыба ВІДЭА
19.07.2020 / 14:30
Смешнае здарэнне адбылося падчас інспекцыі палігона. Міністр абароны Малдовы Аляксандр Пынзар ехаў па вадзе на БТР з адкрытым люкам. Раптам з вады выскачыла вялікая рыбіна і, пляснуўшыся ў твар міністру, упала ў люк, яму пад ногі.
Відэа Пынзар выставіў на сваёй старонцы ў фэйсбуку.
«Было нечакана, нават смешна. Я не вялікі аматар рыбалкі, але жадаю ўсім рыбакам, каб ім гэтак жа шанцавала з уловам, як пашанцавала мне», — напісаў Пынзар.