Пракоп'еў у новым відэазвароце: Севярынец і Статкевіч — героі, мы выцягнем іх з камеры
20.07.2020 / 00:23
Бізнэсовец Вадзім Пракоп'еў у сваім новым відэазвароце заклікаў усіх праціўнікаў дыктатуры часова адкінуць разнагалоссі і кансалідавацца для змены ўлады ў краіне. «Любы, хто не працуе на перамогу, працуе на ворага», — рэзка заявіў Пракоп'еў. Ён заявіў, што сцэнары дзеяння могуць быць розныя, але трэба выбраць адзін і дружна дзейнічаць згодна з ім. «Аб'яднаны штаб, чакаю вашага сігналу!» — звярнуўся да Ціханоўскай, Цапкала і Калеснікавай Пракоп'еў.
Вось гэтае відэа:
Яшчэ ў адным відэа, апублікаваным у ютубе, ён у сваім каронным стылі патлумачыў асабістыя прычыны далучэння да руху супраць Лукашэнкі. Ён заявіў пра глыбокую павагу да Міколы Статкевіча і Паўла Севярынца, а таксама расказаў пра сваю асабістую эвалюцыю.
Нагадаем, што ягоны папярэдні відэазварот займеў вялікі рэзананс. За тры дні яго праглядзелі больш за 958 тысяч разоў.