Zaŭtra kandydaty ŭ prezidenty vystupiać pa telebačańni. Raskład
20.07.2020 / 11:45
Siońnia na radyjo byli vystupy Śviatłany Cichanoŭskaj i Andreja Dźmitryjeva. U sieradu vystupiać Hanna Kanapackaja (a 8.00) i Siarhiej Čeračań (z 8.30).
A voś zaŭtra ŭsie kandydaty, aproč Łukašenki, buduć mieć vystup na telekanale «Biełaruś-1». Što praŭda, heta nie prajm-tajm. Vystupy adbuducca ad 17:00 da 19:00.
Śviatłana Cichanoŭskaja pačnie pieršaj (h.zn. a 17-j), zatym budzie čas Hanny Kanapackaj (17:30). A 18:00 pačniecca efir Siarhieja Čeračnia, a z 18:30 — Andreja Dźmitryjeva.
Praz tydzień, 28 lipienia (sierada) raskład taki:
Siarhiej Čeračeń z 17:00, zatym — Andrej Dźmitryjeŭ, paśla — Śviatłana Cichanoŭskaja (18:00) i pry kancy Hanna Kanapackaja (z 18:30 da 19:00).
Teledebaty pavinny adbycca 30 lipienia. Kanapackaja ad debataŭ admoviłasia.