Deputat Kliševič: Niekatoryja kandydaty chočuć uciahnuć krainu ŭ viečny palityčny chaos

24.07.2020 / 14:10

Takoje mierkavańnie BIEŁTA vykazaŭ deputat Pałaty pradstaŭnikoŭ Siarhiej Kliševič.

«Prapanovy i dziejańni niekatorych kandydataŭ u prezidenty ŭjaŭlajuć saboj kamiak supiarečnaściaŭ. Z adnaho boku, jany zajaŭlajuć, što vybary niesumlennyja, a ź inšaha, zaklikajuć ludziej u ich aktyŭna udzielničać i hałasavać za ich. A niekatoryja dahavarylisia da taho, što zajaŭlajuć: ja nie palityk i nie ŭmieju kiravać dziaržavaj, ale vy mianie vybieracie, a tam budziem raźbiracca. Nie składana zdahadacca, u što pieratvorycca naša kraina, kali takija dziejačy «pačnuć raźbiracca». Jany navat nie ŭ kursie asnoŭ našaj Kanstytucyi, pavodle jakich vybary kiraŭnika dziaržavy pryznačaje parłamient. I pierš čym pryznačyć novyja vybary prezidenta, nieabchodna kab parłamient za heta prahałasavaŭ», - skazaŭ Siarhiej Kliševič.

Pavodle jaho słoŭ, usio heta niehatyŭna adabjecca na situacyi ŭ krainie. «Hetyja dziejačy šturchajuć nas na toje, kab uciahnuć krainu ŭ viečny palityčny chaos, jaki my siońnia možam nazirać u niekatorych krainach, u tym liku susiednich. Dzie adny — vielmi nievialikaja hrupa ludziej — buduć nabivać svaje kašalki, a pieravažnaja častka žycharoŭ krainy budzie zakłapočanaja pytańniem vyžyvańnia pad palityčnyja razborki i bajki, jakija buduć licca z usich infarmacyjnych krynic», - adznačyŭ deputat.