У Гомелі абрынуліся перакрыцці чатырохпавярховага будынка
27.07.2020 / 08:03
У Гомелі 26 ліпеня падчас будаўнічых работ па ўсталяванні вокнаў абваліўся дах і жалезабетонныя перакрыцці на чатырох паверхах у цагляным будынку па вуліцы Рабочая, паведамляе МНС Гомельшчыны.
Фота: МНС.
Гэта нежылы цагляны будынак 1971 года пабудовы з дахам з жалезабетонных пліт. Пасля рамонту планавалася здаваць яго ў арэнду пад склады.
На момант аварыі ў будынку знаходзіўся адзін чалавек, які пачуў грукат і выбег на вуліцу. Пацярпелых няма.
Праводзіцца праверка.