Ułady padrychtavali chitry demarš padčas mitynhu Cichanoŭskaj u Maładziečnie. Ale ŭsio pajšło nie tak
31.07.2020 / 15:41
Zadoŭha da pačatku mitynhu ŭ Maładziečnie na stadyjonie ŭžo sabralisia sotni prychilnikaŭ Śviatłany Cichanoŭskaj
Jak stała viadoma «Našaj Nivie» ź dźviuch krynic, supracoŭniki biudžetnaj sfiery Maładziečna atrymali ŭkazańnie adpravić na stadyjon svaich ludziej.
Jak čakajecca, jany pavinny buduć padčas mitynhu vykazać niazhodu, a paśla demanstratyŭna syści.
U pryvatnaści, ad kožnaj škoły zavučy abaviazanyja pryvieści pa šeść čałaviek.
Jak pieradaje karespandent «Našaj Nivy» z Maładziečna, sapraŭdy, na stadyjonie fiksujucca adasoblenyja hrupki žančyn z maskami na tvarach, jakija kučkujucca i admaŭlajucca havaryć z presaj.
A hetyja žančyny kučkujucca asobna
Zdajecca, ideja demaršu nie vielmi spracavała. U «kupkach» karespandenty «Našaj Nivy» naličyli tolki 25 čałaviek. I jany sapraŭdy syšli nieŭzabavie paśla pačatku mitynhu — ale moŭčki i ciškam.
Ahułam, na stadyjonie sabrałasia niekalki tysiač čałaviek.