Krynicy: Zaŭtrašniaje pasłańnie Alaksandra Łukašenki da parłamienta moža być pieraniesienaje
02.08.2020 / 11:10
Alaksandr Łukašenka na sustrečy z Natallaj Kačanavaj i Viktaram Šejmanam. 1 lipienia. Skrynšot z TB.
Pasłańnie Alaksandra Łukašenki da parłamienta, zapłanavanaje na 3 žniŭnia, moža być pieraniesienaje. Pra heta paviedamlaje ŭ svaim telehram-kanale žurnalist «Našaj Nivy» Arciom Harbacevič sa spasyłkaj na dźvie krynicy.
Pakul niajasna, ci budzie jano adkładzienaje na niapeŭny termin, ci na aŭtorak «u suviazi z dapracoŭkaj tekstu pasłańnia», jak piša kanał.
«Naša Niva» dasłała zapyt pres-sakrataru prezidenta Natalli Ejsmant, ci hetaja infarmacyja pravilnaja. Adkazu pakul nie atrymali.
Aficyjnaje ahienctva BiełTA pakul ničoha takoha nie paviedamlała.
Padčas vystupu ŭ vč 3214 27 lipienia Alaksandr Łukašenka zajaviŭ, što pieranios karanavirus bieśsimptomna.
Nieŭzabavie paśla vystupu ŭ vč 3214 Alaksandr Łukašenka na try dni źnik z ekranaŭ, što padčas vybarčaj kampanii ekstraardynarna.
Čytajcie taksama: 3 žniŭnia hramadski transpart kala Pałaca Respubliki budzie jeździć u zvyčajnym režymie. Raniej hrafik mianiali z-za pasłańnia Łukašenki
BUDZIE DAPAŬNIACCA.