«Skažycie jamu, što my nie chočam vajny»: Cichanoŭskaja prosić Mierkiel zaklikać Łukašenku da sumlennych vybaraŭ
05.08.2020 / 10:23
Fota Nadziei Bužan
Kandydat u prezidenty Biełarusi Śviatłana Cichanoŭskaja paprasiła kanclera Hiermanii Anhiełu Mierkiel źviazacca z Alaksandram Łukašenkam i pieradać jamu jaje słovy. Hetuju prośbu Cichanoŭskaja vykazała ŭ intervju haziecie Bild, jakoje taja apublikavała na svaim sajcie ŭ aŭtorak, piša Deutsche Welle.
«Skažycie jamu, što my nie chočam vajny. Usio, što my chočam — heta sumlennyja vybary. Nam nadakučyła, što nami kiruje hety dyktatar. My stamilisia», — źviarnułasia Cichanoŭskaja da kiraŭnika niamieckaha ŭrada.
Surazmoŭca vydańnia pryznałasia, što baicca, bo bačyć, što biełaruski lidar «hatovy zrabić, kab zastacca va ŭładzie». Jana dadała, što strach staŭ jaje «pastajannym spadarožnikam».
Śviatłana Cichanoŭskaja nahadała, što jak tolki abviaściła, što budzie bałatavacca zamiest muža, jaki znachodziŭsia ŭ toj momant u SIZA, joj byŭ ananimny zvanok. Nieviadomy papiaredziŭ, što «kali jana nie adkliča svaju kandydaturu, jaje pasadziać u turmu, a jaje dzieci patrapiać u dziciačy dom». Paśla hetaha Śviatłana pierapraviła dziaciej u biaśpiečnaje miesca za miažoj.