Naziralniki ad Rasii pracavać na vybarach u Biełarusi ŭsio-taki buduć

05.08.2020 / 11:46

Fota Nadziei Bužan

Naziralniki ad Rasii na vybarach u Biełarusi buduć pracavać u składzie misii ad krain SND. Pytańni ŭzajemadziejańnia rasijskich dypłamataŭ z naziralnikami ad Rasii ambasadar RF u Biełarusi Dźmitryj Mieziencaŭ napiaredadni abmierkavaŭ sa staršyniom Vykanaŭčaha kamiteta-vykanaŭčym sakratarom SND Siarhiejem Lebiedzievym, piša Tut.by.

Nahadajem, raniej kiraŭnik CVK Rasii Eła Pamfiłava zajaviła, što Centrvybarkam nie atrymlivaŭ aficyjnaha zaprašeńnia ad biełaruskich kaleh dla ŭdziełu ŭ nazirańni za vybarami prezidenta i pryniaŭ rašeńnie nie nakiroŭvać u Biełaruś svaich naziralnikaŭ.

Jak patłumačyli TUT.BY u pasolstvie Rasii ŭ Biełarusi, havorka išła vyklučna pra naziralnikaŭ ad CVK Rasii. Naziralniki ad Rasii ŭ składzie misii SND, jak i płanavałasia raniej, pracavać na vybarach u Biełarusi buduć.

U CVK Biełarusi ŭžo patłumačyli, čamu nie zaprasili naziralnikaŭ z CVK inšych krainaŭ: z-za niemahčymaści zabiaśpiečyć kaleham biaśpieku va ŭmovach pandemii karanavirusa.