Зяленскі пасмяротна ўзнагародзіў медыка-беларуса, які загінуў на Данбасе
5.08.2020 / 15:54
Укрінфарм
Прэзідэнт Украіны Уладзімір Зяленскі 5 жніўня падпісаў указ аб узнагароджанні пяцёх украінскіх вайскоўцаў з 35-й брыгады марской пяхоты, якія загінулі ў ліпені на Данбасе ад абстрэлу прарасійскімі незаконнымі ўзброенымі фармаваннямі.
Сярод узнагароджаных — медык Мікола Ільін, беларус паводле паходжання, грамадзянін Эстоніі.
Пасмяротна ўсе вайскоўцы адзначаныя ордэнам «За мужнасць» III ступені — за асабістую мужнасць і самаадданыя дзеянні, праяўленыя ў абароне дзяржаўнага суверэнітэту і тэрытарыяльнай цэласнасці Украіны.