Hladzicie, što zastałosia ad tajamnicy hałasavańnia na hetych vybarach FOTY
06.08.2020 / 12:27
Tak ciapier vyhladajuć kabinki na vybarčych učastkach Biełarusi, choć vybary, pavodle zakona, u Biełarusi prachodziać tajemna.
Źnimańnie štorak z kabinak dla hałasavańnia robić psichałahičny cisk na vybarcaŭ. Ludzi hałasujuć z adčuvańniem, što za imi sočać.
Nivodny člen vybarčaj kamisij, nivodny prakuror pakul nie vykazaŭ publičnaha pratestu suprać takoha parušeńnia vybarčaj pracedury.
Štorki źniali paśla taho, jak biełaruskija ajcišniki stvaryli sistemu «Hołas» dla paralelnaha padliku hałasoŭ. Zaduma dvuchstupienievaja. Pa-pieršaje, ludzi hałasujuć u joj. Pa-druhoje, jany fatahrafujuć svaje biuleteni, kab paśla hetaje hałasavańnie možna było pravieryć. Fatahrafavać biuleteni zakon nie zabaraniaje.