Lavon Volski vypuściŭ novy klip na pieśniu «Lohkija-lohkija» VIDEA
07.08.2020 / 21:20
Mižnarodnaja salidarnaść z biełarusami ŭ novym klipie da pieśni «Lohkija-lohkija»!
Klip zdymaŭsia z 2018 pa 2020 hod u Minsku i Sankt-Pieciarburhu.
U kadry — akciory, muzyki, asoby kultury z Biełarusi, Rasii, Polščy, Armienii, Hruzii i Litvy.
Takoje pračytańnie pieśni ŭźnikła spantanna. Jejny tekst pramoŭleny i praśpiavany tysiačy razoŭ. Režysior padumaŭ, što mienavita tak jana najbolš aktualnaja — pramoŭlenaja dziasiatkami roznych ludziej, ab’iadnanych zrazumiełymi lubomu čałavieku bolem i tryvohaju. Bolem pakaleńniaŭ, narodaŭ i asobnych losaŭ. Heta historyja pra toje, što nas padzialaje. Ale, vidać, heta ž i jadnaje. Minułaje, ad jakoha nam nikudy nie padziecca, i budučynia, da jakoj my imkniomsia.