Мінздароўя: Учора былі шпіталізаваныя 51 чалавек
12.08.2020 / 12:26
Фота Надзеі Бужан
Мінулай ноччу ў службу хуткай медыцынскай дапамогі і ў бальніцы з рознымі траўмамі шпіталізаваны 51 грамадзянін. Усім пацярпелым аказана неабходная медыцынская дапамога ў поўным аб'ёме, паведамляе Мінздароўя ў сваім тэлеграм-канале.
Асноўныя траўмы — удары мяккіх тканак, траўмы канечнасцяў, грудной клеткі, жывата і г.д. Некалькім пацыентам спатрэбілася правядзенне аперацый. Стан іх стабілізаваны.
Загінулых, а таксама пацыентаў у крытычным стане, на сённяшні момант няма.