Sotni tysiač minčukoŭ pryniali ŭdzieł u akcyi pratestu suprać Łukašenki. Heta najvialikšaja manifiestacyja ŭ historyi Biełarusi FOTY
16.08.2020 / 14:12
Sotni tysiač minčukoŭ pryniali ŭdzieł u akcyi pratestu suprać Łukašenki. Heta najvialikšaja manifiestacyja ŭ historyi Biełarusi. Ad 12-j hadziny kałony demanstrantaŭ z nacyjanalnymi ściahami ruchajucca ŭ bok centra Minska z Kamiennaj Horki, Puškinskaj, Jakuba Kołasa, MTZ, Kurasoŭščyny, inšych rehijonaŭ.
Siońnia ŭłady pravodziać taksama mitynh na Płoščy Niezaležnaści.
13:55
Nieviadomy čałaviek, pierabintavany, z akryvaŭlenymi plamami na bintach ustalavaŭ na «Puškinskaj» vializny kryž u pamiać achviaraŭ, zabitym i źbitym za apošni tydzień.
14:24
U centry ŭžo sabralisia dziasiatki tysiač apanientaŭ Łukašenki. Asabliva šmat ich kala steły
Tym časam Łukašenka na aficyjnym mitynhu zajaviŭ, što navat kali budzie miortvym, jon nie addaść krainu. Jakija novyja vybary? Chto na ich pojdzie? Bandyty i ŭrki? - kaža Łukašenka.
Łukašenka kaža pra lalkavodaŭ, jakija bačać zachodnija miežy pad Minskam. «My staniem Bresckaj krepaściu, ale krainu nie addamo».
Łukašenka: «Zahubicie pieršaha prezidenta — heta budzie pačatak kanca».
14:29
Na stancyi mietro Kastryčnickaj vielizarnaja płyń ludziej, jakija vystupajuć za pieramieny
14:34
Tysiačy ludziej iduć z centra ŭ bok steły.
Vialiki patok idzie pa praśpiekcie Niezaležnaści u rajonie Jakujuba Kołasa. Niasuć 30-mietrovy ściah.
Ludzi skandujuć: «Uchadzi, uchadzi!».
Acanić kolkaść demanstrantaŭ u centry Minska niemahčyma. Kałony ź dziasiatkami tysiač čałaviek prosta paŭsiul.
15:00
Ludzi niasuć 100-mietrovy bieł-čyrvona-bieły ściah. Ludzi niasuć jaho z «Majaka Minsk». Niejkija ludzi na chadulach, vialikija kolkaść bieł-čyrvona-biełych ściahoŭ.
15:05
Pratesty adbyvajucca ŭ inšych haradach: Brest, Hrodna, Žłobin, Barysaŭ.
15:15
Dziaŭčyna — BT: Ja pracavała smmščykam na BT, ja bolš nie chaču tam pracavać. Maje kalehi taksama tut.
15:20
Žančyna: Mnie 53 hoda, ja pryjechała z Homiela. My čakali hetaha 26 hadoŭ. My chočam svabodnaha žyćcia.
15:20
Hrodna staić.
U Viciebsku pratesty.
15:25
Da steły idzie Maryja Kaleśnikava. Ale ludziej tak šmat, što biez hukaŭzmacnieńnia jaje nichto pačuje i mała chto pabačyć
15:30
Na stancyi mietro «Kastryčnickaja» vyvalvajecca z vahona hrupa moładzi sa ściahami, kryčyć «Žyvie Biełaruś!». Płatforma reahuje krykam i apładysmientami, mašynist ciahnika dva razy sihnalić.
15:36
Papularnaja kryčałka apošnich dzion — TRY-BU-NAŁ. Sotni tysiač biełarusaŭ, aburanyja złačynstvami siłavikoŭ, nie chočuć nijakich kampramisaŭ, jany patrabujuć nieadkładnaj adstaŭki kiraŭnika krainy i suda
15:40
Mašynist mietro, skład jedzie ŭ centr, pa hučnaj suviazi: «Žyvie Biełaruś!!!» I ŭvieś vahon: «Žyvie!»
15:49
Pres-sakratar katalickaha kaścioła Juryj Sańko: My tut jak udzielniki, voś pryjšli paśla imšy. Dumaju, što pavinna być Božaja spraviadlivaść.
16:07
Fiestyval kala steły praciahvajecca. U Minsku siońnia śpioka, tamu mnohija vytrymlivajuć šmat času na soncy. Ale ahulnaja kolkaść udzielnikaŭ nie źmianšajecca — padychodziać novyja i novyja ludzi. Mnohija ź ich pračytali ŭ internecie, što siłavikoŭ niama i vyrašyli dałučycca
16:10
U Breście ludzi iduć na sustreču sa staršyniom harvykankama.
Hrodna, fota Tut.by
Pinsk, vielizarny ściah
Voś tak vyhladała akcyja pratestu ŭ Minsku kala Steły prykładna ŭ 16.00 z vyšyni.
16:50
Uražvaje arhanizavanaść demanstrantaŭ — ludzi sami rehulujuć ruch, kab prapuścić mašyny, sami prybirajuć butelki i śmiećcie, sami pryvoziać vadu da steły
16:55
Stełu «Horad-hieroj Minsk» abharnuli ŭ ahromnisty bieł-čyrvona-bieły ściah. Jašče adzin ściah ustalavali źvierchu
Fota Jaŭhiena Jerčaka, Tut.by
Karespandent @nashaniva pajšoŭ ad steły ŭ bok praśpiekta Niezaležnaści i telefanuje ŭ šoku: dziasiatki tysiač čałaviek hulaje sa ściahami ŭzdoŭž usich susiednich vulic
17:00
U Hrodnie skončyŭsia mitynh. Jon sabraŭ kala 40 tysiač čałaviek. Ludzi prajšli ad Savieckaj płoščy da płoščy Lenina pa centry horada. Ahučyli patrabavańni da ŭładaŭ. Na scenie pracavaŭ svabodny mikrafon. Padzieja prajšła biez pravakacyj i zatrymańniaŭ
Maładziečna. Fota Rehijanalnaja hazieta
17:15
Demanstranty zaniali tratuary praśpiektaŭ Pieramožcaŭ, Mašerava, Niezaležnaści ŭ ich centralnaj častcy, vulic Niamiha, Mielnikajcie, Bahdanoviča, Staražoŭskaj. Adny iduć ad Steły, druhija — tolki da jaje. Vulicy zapoŭnienyja sihnalačymi mašynami. U toj ža čas dobraja sotnia tysiač jašče staić kala Steły Ciažka acanić ahulnuju kolkaść demanstrantaŭ na vulicach Minska ŭ hety momant.
17:20
«VDV z narodam», — kryčać chłopcy ŭ błakitnych bieretach.
17:22
Ludzi iduć pa prajeznaj častcy na Niamizie ŭ bok praśpiekta Niezaležnaści.
17:32
Demanstranty vyjšli na prajeznuju častku praśpiekta Niezaležnaści, Niamihi, tratuary Pieramožcaŭ, Lenina, Ramanaŭskaj Słabady, Haradskoha Vała, Mielnikajcie, praśpiekta Mašerava. Iduć da płoščy Niezaležnaści.
17:33
Kala KDB i MUS skandujuć «Vypuskaj» i «Sašu ŭ aŭtazak».
17:34
Žychary centra vystavili na skryžavańniach vulic upakoŭki vady i pakiety z chlebam.
17:45
Dziaržaŭny telekanał «Biełaruś 4» pakazaŭ šmattysiačny mirny mitynh u centry Mahilova. «Šmat ludziej i mahiloŭcy u tym liku chočuć svabodnaj, niezaležnaj krainy. Kab tut nie było hvałtu, i možna było žyć spakojna», — daje kamientar telekanału ŭdzielnica pratestu.
17:46
Tym časam u Minsku ludzi sabralisia la Doma ŭrada.
Kryčać: «Dzie BT?», «Trybunał!», «Sašu ŭ aŭtazak».
17:55
Tym časam u Minsku ludzi sabralisia la Doma ŭrada. Kryčać: «Dzie BT?», «Trybunał!», «Sašu ŭ aŭtazak».