Aleh Hajdukievič vystupiŭ za pazačarhovy schod parłamienta
19.08.2020 / 13:38
Fota Nadziei Bužan
Deputat Pałaty pradstaŭnikoŭ Aleh Hajdukievič, jaki padčas vybarčaj kampanii byŭ davieranaj asobnaj Łukašenki, zajaviŭ pra stvareńnie Kaardynacyjnaha kamiteta Narodna-patryjatyčnaha ruchu Biełarusi, paviedamlaje Radyjo Svaboda ŭ svaim telehram-kahale.
Meta novaha ruchu — vyrašeńnie losu krainy ŭ pravavym poli i niedapuščeńnie ŭmiašańnia inšaj krainy ŭ spravy Biełarusi. Zachavańnie Sajuza z Rasijaj i ADKB Hajdukievič nazvaŭ harantyjaj suverenitetu Biełarusi.
Deputat vystupiŭ za sklikańnie pazačarhovaj sesii parłamienta, źmieny vybarčaha zakanadaŭstva i Kanstytucyi z umacavańniem roli parłamienta.
«Narodna-patryjatyčny ruch pačynaje padrychtoŭku da lubych mahčymych u krainie vybaraŭ — miascovych, parłamienckich i prezidenckich». — havorycca ŭ zajavie Hajdukieviča.
Pavodle jaho, novy ruch pačynaje arhanizacyju ŭstanoŭčych schodaŭ u rehijonach