Kamientatary Antanian, Tatur i Pisarenka syšli z «Biełaruś-5»
20.08.2020 / 17:37
Uład Tatur — źleva. Fota ź jaho instahrama
Kamientatary telekanała «Biełaruś 5» Artašes Antanian, Uładzisłaŭ Tatur i Jarasłaŭ Pisarenka, a taksama kiraŭnik adździeła karespandentaŭ Andrej Ivanoŭ napisali zajavu na zvalnieńnie
«Zzadu amal siem hadoŭ, sotni efiraŭ, siužetaŭ, intervju. Vialikija matčy, top-turniry. Było cikava, miescami ciažka, ale ŭ cełym zzadu karysny čas, dobraja škoła i masa stanoŭčych uspaminaŭ.
Siońnia ja pajšoŭ z «Biełaruś 5». Hledačam dziakuj za ŭvahu i krytyku! Kaleham — za sumiesnuju pracu i dapamohu! Spadziajusia, my jašče pačujemsia. Va ŭsiakim razie ja ŭ heta vieru! Bieražycie siabie!»- napisaŭ Tatur u svaim Instagram.
«Hod tamu pryjšoŭ na «Biełaruś 5». Ale zaraz pryjšoŭ čas rasstacca. Heta byli krutyja efiry, ludzi i naohuł praduktyŭny čas. Dziakuj usim, chto hladzieŭ, krytykavaŭ i padtrymlivaŭ. Ale ciapier treba ruchacca dalej. Nijakaha sumu abo škadavańniaŭ. Tolki napierad», - napisaŭ Pisarenka ŭ svaim Instagram.