БТ перайшло да тапорных фэйкаў: ацаніце, як паказалі візіт Калеснікавай у Жлобін ВІДЭА
22.08.2020 / 18:24
У навінах «Беларусь-1» з'явіўся сюжэт пра сустрэчу Марыі Калеснікавай з работнікамі БМЗ на плошчы ў Жлобіне.
«Вось што адбылося, калі яна сустрэла не сваю масоўку, а сапраўдных працоўных», — іранічна заўважае Паліна Шуба.
Далей ідзе відэашэраг, у якім заменена гукавая дарожка, абсалютна не сінхранізаваная з тым, што адбываецца ў рэальнасці. Воклічы з антыўрадавых мітынгаў «Уході!» накладзеныя на сюжэт так, быццам яны адрасаваныя Марыі Калеснікавай.
Параўнайце арыгінал і тое, як яго падалі на БТ: