Varšava ni za ni suprać Łukašenki ŭ Prazie
23.04.2009 / 16:35
Prezident Polščy Lech Kačyński paćvierdziŭ, što voźmie ŭdzieł u pražskim samicie «Uschodniaha partniorstva», choć jašče niajasna, ci pryjedzie na samit biełaruski prezident Alaksandr Łukašenka.
Zajava zroblenaja ŭ suviazi z tym, što svaju niezadavolenaść adnosna mahčymaha pryjezdu Alaksandra Łukašenki ŭ Prahu ŭžo vykazała kiraŭnictva niekatorych krain ES — naprykład, prezident Čechii Vacłaŭ Kłaŭs. Najvastrej suprać jahonaha zaprašeńnia vystupajuć Niderłandy i Šviecyja.
U svaju čarhu, kiraŭnictva MZS Polščy admoviłasia davać acenku zaprašeńniu ci niezaprašeńniu ŭ Prahu Łukašenki. Jano padkreśliła: hałoŭnaje, što Biełaruś nadalej zastajecca ŭdzielnicaj hetaha prajektu.