Карпенка: Не трэба ператвараць школу ў поле палітычных баталій
24.08.2020 / 22:21
Не трэба ператвараць установы адукацыі ў пляцоўкі для палітычных баталій. Такое меркаванне выказаў міністр адукацыі Ігар Карпенка ў эфіры БТ.
Фота Надзеі Бужан.
«Давайце не будзем ператвараць школу, установы адукацыі ў поле палітычных баталій. У кожнага ёсць пункт гледжання, кожны па-свойму выказаў яго на выбарах. Не трэба ладзіць сутыкненне меркаванняў. Для нас важна, каб дзіця прыйшло ў школу і мела роўны доступ да якаснай адукацыі і сацыяльных гарантый, якія наша дзяржава дае дзецям і падлеткам», — падкрэсліў Карпенка.