Pucin iznoŭ sabraŭ naradu Rady biaśpieki Rasii pa «biełaruskim pytańni»

28.08.2020 / 16:57

Udzielniki apieratyŭnaj narady prezidenta Rasii Uładzimira Pucina z pastajannymi členami Savieta biaśpieki abmierkavali raźvićcio adnosin z susiednimi dziaržavami ŭ metach vypracoŭki ahulnych padychodaŭ roznych viedamstvaŭ da dalejšaha vybudoŭvańnia ŭzajemadziejańnia ź imi, paviedamlaje Interfaks.

«My siońnia abmiarkujem raźvićcio adnosin z niekatorymi z našych susiedziaŭ, z dziaržavami, ź jakimi ŭ nas tradycyjna ŭ siłu hieahrafičnaj blizkaści vialiki abjom adnosin», — skazaŭ Pucin na apieratyŭnaj naradzie z pastajannymi členami Savieta biaśpieki Rasii.

«Adnosiny raźvivajucca, i treba ŭzhadnić našy pazicyi na niekatorych klučavych pytańniach, uzhadnić pamiž viedamstvami, vypracavać padychody dla dalejšaha pastupalnaha raźvićcia ŭzajemadziejańnia z našymi partniorami», — praciahnuŭ Pucin.

U svaju čarhu, pres-sakratar prezidenta Dźmitryj Piaskoŭ raspavioŭ, što, u pryvatnaści, na naradzie adbyŭsia detalovy abmien dumkami pa klučavych pytańniach raźvićcia rasijska-biełaruskaha supracoŭnictva.