Prakuratura Oršy vyniesła papiaredžańnie redaktaru sajta orsha.eu Iharu Kaźmierčaku
01.09.2020 / 11:13
Prakuratura Oršy vyniesła papiaredžańnie redaktaru sajta orsha.eu i pravaabaroncu Iharu Kaźmierčaku pra administracyjnuju adkaznaść za ŭdzieł u niesnkcyjanavanych masavych mierapryjemstvach.
Za dzień da čarhovaj niadzielnaj akcyi pratestu ŭ Oršy da jaho pryjšli pamočnica prakurora i milicyjant. Jany patłumačyli, što ŭ chodzie prakurorskaj pravierki na sajcie byŭ vyjaŭleny artykuł «Aršanskija pratesty. Što dalej» u jakim paviedamlałasia, što čarhovaja vialikaja akcyja pratestu suprać falsifikacyi vybaraŭ u Oršy projdzie 30 žniŭnia a 14.00. Siłavikami hetaja infarmacyja była ŭspryniata jak zaklik i arhanizacyja niesankcyjanavanaha masavaha mierapryjemstva.
U vyniku karotkaj razmovy Iharu Kaźmierčaku było vypisana aficyjnaje papiaredžańnie ab tym, što jon nie musić udzielničać u akcyi, inačaj jamu pahražajuć «sutki».