Azaranka zhulaje z Sabalenka ŭ druhim raŭndzie US Open
02.09.2020 / 08:21
U Ńju-Jorku startavaŭ Adkryty čempijanat ZŠA pa tenisie.
U pieršym raŭndzie Viktoryja Azaranka biez prablem razabrałasia z Barbaraj Chaas z Aŭstryi — 6:1, 6:2, a Sabalenka pieramahła francužanku Asiean Daden — 7:6, 6:4.
Los skłaŭsia tak, što ŭ nastupnym raŭndzie Azaranka zhulaje suprać Sabalenki.
Hod tamu biełaruski ŭžo hulali adzin z adnym na US Open. Tady pieramahła Sabalenka.
A potym abiedźvie dabralisia i da finału parnaha razradu. Aryna ŭ pary ź bielhijkaj Eliz Miertens vyjhrali trafiej, u finale jany pieramahli Azaranka i Ešli Barci.
U druhi raŭnd US Open prabilisia i inšyja biełaruskija tenisistki — Viera Łapko, Volha Havarcova i Alaksandra Sasnovič. Pieramohu ŭ pieršym raŭndzie atrymaŭ i Jahor Hierasimaŭ.