17-hadovy Cimur, jakoha ŭčora dapytvali paśla komy, znoŭ apynuŭsia ŭ reanimacyi. Pad kanvojem

04.09.2020 / 15:57

Jak stała viadoma «Našaj Nivie», 17-hadovaha Cimura M. pieraviali ŭ reanimacyju.

«Učora paśla dopytu ŭ Śledčym kamitecie ŭ Cimura zdaryŭsia posttraŭmatyčny prystup. Ciapier jon znachodzicca ŭ 2-j haradskoj kliničnaj balnicy ŭ reanimacyi pad kanvojem. Jaho stan ciapier nieviadomy», — raskazała «Našaj Nivie» krynica.

Nahadajem, chłopiec lažaŭ u reanimacyi 3-j dziciačaj balnicy Minska, kudy trapiŭ 13 žniŭnia.

Chłopiec znachodziŭsia niejki čas u miedykamientoznaj komie, jaho dastavili ŭ balnicu z adździaleńnia milicyi z čerapna-mazhavoj traŭmaj, strasieńniem hałaŭnoha mozhu, adkrytym pierałomam skuła-arbitalnaha kompleksu, sutarhavym sindromam, paraarbitalnaj hiematomaj sprava, množnymi ŭdarami miakkich tkanak i kaniečnaściaŭ, traŭmatyčnymi erozijami rahavicy abodvuch vačej.

KV