У Гомелі затрымалі некалькі ўдзельнікаў акцый пратэсту і журналістаў
11.09.2020 / 12:41
Праваабаронца Леанід Судаленка зазначыў, што з раніцы яму патэлефанавалі ўжо шэсць чалавек, да якіх прыйшла міліцыя. Траіх з іх затрымалі. Гэта ўдзельнікі акцый пратэсту ў Гомелі, у тым ліку і тыя, якія ўжо былі арыштаваныя за падзеі 9-11 жніўня.
Свабодзе вядома таксама пра затрыманне журналіста-фрылансера Андрэя Толчына.
Актывіст Алег Левянец паведаміў, што яго шукае міліцыя.