Журналістаў Белсата Андрэеву і Калітоўскага, затрыманых на Жаночым маршы, пакінулі да суда на Акрэсціна
13.09.2020 / 08:18
Архіўнае фота
Журналістаў «Белсата» Кацярыну Андрэеву і Максіма Калітоўскага, якіх затрымалі падчас стрыму з суботняга Жаночага марша, пакінула да суда на Акрэсціна, паведамляе БАЖ.
Кацярына Андрэева паведаміла сваякам, што на іх склалі па два пратаколы паводле арт. 22.9 («Парушэнне закона аб СМІ») і 23.4 («Непадпарадкаванне міліцыі») КаАП.
Міліцыянер, які складаў пратаколы, заявіў, што судзіць іх будуць толькі ў аўторак 15 верасня. Да гэтага часу журналісты застануцца ў ізалятары на Акрэсціна.