Polšča prapanuje «płan Maršała dla Biełarusi»

14.09.2020 / 18:42

Varšava prapanuje partnioram ź Jeŭrasajuza «płan Maršała dla Biełarusi». Zhadanuju inicyjatyvu pradstavić Brusielu premjer-ministr Polščy Matevuš Maraviecki ad imia Vyšahradskaj hrupy, paviedamiŭ kiraŭnik Kancylaryi premjera Michał Dvorčyk, paviedamlaje Polskaje radyjo.

— Na bližejšaj sustrečy lidaraŭ Jeŭrasajuza premjer Polščy pradstavić hetak zvany «płan Maršała dla Biełarusi». Heta šerah prapanoŭ, pierš za ŭsio ekanamičnaha charaktaru, jakija b byli prapanavanyja Minsku ŭ vypadku praviadzieńnia paŭtornych demakratyčnych vybaraŭ. Heta prajekt ekanamičnaj dapamohi Biełarusi, svajho rodu «darožnaja karta», u tym liku stvareńnie stabilizacyjnaha fondu.

Siońnia adbyłasia sustreča premjer-ministra Matevuša Maravieckaha i ministraŭ jaho ŭradu z pradstaŭnikami polskaj apazicyi. Na sustrečy abmiarkoŭvałasia situacyja ŭ Biełarusi i pytańnie dapamohi z boku Polščy demakratyčnaj biełaruskaj hramadskaści.