Unučki Łukašenki zabrali dakumienty ź Liceja BDU
16.09.2020 / 10:48
Darja i Anastasija Łukašenka padčas vystupleńnia ŭ fiłarmonii ŭ 2017 hodzie. Fota: Volha Šukajła, TUT.BY
Anastasija i Darja Łukašenka zabrali dakumienty ź Liceja BDU. Pra heta TUT.BY raniej stała viadoma ź dźviuch krynic, ciapier ža hetuju infarmacyju paćvierdziła nam sama ŭnučka Łukašenki Anastasija.
Anastasija i Darja — starejšyja dočki Dźmitryja Łukašenki, jaki ŭznačalvaje Prezidencki spartyŭny kłub.
Anastasija vučyłasia na humanitarnym profili, u minułym navučalnym hodzie, u 10-m kłasie, jana stała vice-mis Liceja BDU.
Taksama ŭ hetym hodzie pastupiła ŭ Licej i Darja Łukašenka. Jana, jak i starejšaja siastra, vybrała dla siabie humanitarny profil. Na momant rehistracyi na ekzamien konkurs składaŭ 9 čałaviek na miesca, prachadny bał u vyniku byŭ roŭny 151 z 200.
Pra pryčyny sychodu ź Liceja BDU Anastasija vyrašyła TUT.BY nie raspaviadać, jak i pra toje, dzie jana i siastra ciapier buduć vučycca. Ź Liceja dziaŭčaty syšli ŭ vieraśni — pa infarmacyi ad vučniaŭ, siostry Łukašenka kala tydnia paśla pačatku navučalnaha hoda naviedvali zaniatki — a potym zabrali dakumienty.
Nahadajem, raniej stała viadoma, što ź Liceja BDU zabraŭ dakumienty Mikałaj Łukašenka, małodšy syn kiraŭnika Biełarusi, jaki sioleta vytrymaŭ vialiki konkurs i byŭ zaličany na bijałahičny profil. U pačatku navučalnaha hoda Mikałaj u Licei nie źjaviŭsia. Dzie ciapier vučycca małodšy syn prezidenta, aficyjna nie viadoma.