Мінздароўя: Мужчыну, які падпаліў сябе ў Смалявічах, перавезлі ў Рэспубліканскі апёкавы цэнтр, яго стан вельмі цяжкі
19.09.2020 / 13:58
Мужчыну, які ўчора падпаліў сябе ў Смалявічах, сёння перавезлі ў Бальніцу хуткай дапамогі ў Рэспубліканскі апёкавы цэнтр паведамляе тэлеграм-канал Мінздароўя.
«Рэспубліканскі кансіліум спецыялістаў, які ўчора ўвечары адбыўся ў Смалявічах, прыняў рашэнне, што ўрачы ў Смалявічах аказалі ўсю магчымую дапамогу пацярпеламу. Было прынята рашэнне: пры стабілізацыі яго стану неабходная шпіталізацыя ў Рэспубліканскі апёкавы цэнтр.
Спецыялісты бальніцы ў Смалявічах зрабілі ўсё, каб пацярпелы перанёс транспарціроўку. Цяпер мужчына знаходзіцца ў рэанімацыі цэнтра ў Мінску. Стан, на жаль, вельмі цяжкі», — адзначаецца ў паведамленні.