Salihorski šachcior Aleh Kudziołka admoviŭsia vychodzić z šachty na pavierchniu ŭ znak pratestu
21.09.2020 / 09:13
U svaim zvarocie jon patrabuje adstaŭki hiendyrektara «Biełaruśkałija», vyzvaleńnia zatrymanych stačkamaŭcaŭ i spynieńnia cisku na ich, a taksama skančeńnia represij siłavikoŭ suprać mirnaha nasielnictva.
Nahadajem, što 10 vieraśnia anałahična pratestavaŭ Juryj Korzun. Jon prykavaŭ siabie da hornazdabyvalnaha abstalavańnia ŭ šachcie na hłybini 305 mietraŭ, praz niekalki hadzin jamu razrezali kajdanki i vynieśli z šachty.