Pryznačyli rektaraŭ Akademii kiravańnia i troch mieduniviersitetaŭ
21.09.2020 / 12:14
Viačasłaŭ Daniłovič na fota źleva. Fota Dźmitryja Bruško, TUT.by
Siońnia zrobleny šerah pryznačeńniaŭ, piša BiełTA.
Rektaram Akademii kiravańnia pry prezidencie pryznačany ŭžo były dyrektar Instytuta historyi Viačasłaŭ Daniłovič.
Pamianialisia rektary ŭ miedycynskich univiersitetach.
Biełaruski dziaržaŭny miedycynski ŭniviersitet uznčaliŭ Siarhiej Rubnikovič, jaki da ciapierašniaha času pracavaŭ zahadčykam kafiedry artapiedyčnaj stamatałohii i artadantyi z kursam dziciačaj stamatałohii Biełaruskaj miedycynskaj akademii paśladypłomnaj adukacyi.
Rektaram Homielskaha dziaržaŭnaha miedycynskaha ŭniviersiteta ŭzhodnieny Ihar Stoma, jaki raniej pracavaŭ dacentam kafiedry infiekcyjnych chvarob Biełaruskaha dziaržaŭnaha miedycynskaha ŭniviersiteta.
Alena Krotkava stanie rektaram Hrodzienskaha dziaržaŭnaha miedycynskaha ŭniviersiteta. Da hetaha jana zajmała pasadu načalnika Hałoŭnaha ŭpraŭleńnia achovy zdaroŭja Hrodzienskaha abłvykankama.
Hałoŭnym sanitarnym doktaram pryznačany Alaksandr Tarasienka (byŭ hałoŭnym sanitarnym doktaram pa Homielščynie).