Muzykantu Alaksandru Pamidoravu dali 8 sutak aryštu
21.09.2020 / 15:26
Alaksandra Pamidorava zatrymali viečaram u subotu na Anharskaj padčas impravizavanaha dvarovaha kancerta. Hetyja dźvie nočy jon pravioŭ na Akreścina.
Siońnia sud Zavodskaha rajona Minska pryznaŭ Alaksandra vinavatym u parušeńni paradku arhanizacyi abo praviadzieńnia masavych mierapryjemstvaŭ (art 23.34 Kaap) i asudziŭ na 8 sutak aryštu.
Pasiadžeńnie suda pačałosia a 14.00, adnak ni rodnyja, ni žurnalisty patrapić na jaho nie zmahli, pakolki ŭ raskładzie jano źjaviłasia paźniej pryznačanaha času, piša Tut.by.