МУС апублікавала «званкі незадаволеных мінчукоў» з заклікам расстрэльваць пратэстоўцаў
24.09.2020 / 17:31
На лінію 102 сталі актыўна тэлефанаваць жыхары Мінска, якія нібыта незадаволены дзеяннямі ўдзельнікаў мірных акцый пратэсту. За апошнія суткі ў сталічную міліцыю звярнуліся некалькі сотняў чалавек, паведамляе МУС.
«Простыя законапаслухмяныя людзі: рабочыя, пенсіянеры, шматдзетныя бацькі, кіроўцы грамадскага транспарту і таксі — просяць прыбраць з вуліц шумных і агрэсіўных пратэстоўцаў», — распавялі ў МУС.
МУС апублікавала званкі гэтых жыхароў Мінска, некаторыя з іх дастаткова радыкальныя.
Адзін з тых, хто тэлефанаваў, заклікаў міністра Караева замест гумавых куляў прымяняць баявыя.
«Калашнікаў ніхто не адмяняў. Пару стрэлаў у галаву — і ўсе працверазеюць», — заявіў мужчына.
Цікава, што ў МУС спачатку апублікавалі адну версію званкоў.
Затым відэа перазалілі, яно ўжо было скарочанае.