У Светлагорску нецвярозы пацыент напаў з нажом на доктара
06.10.2020 / 12:23
Здарэнне адбылося вечарам 4 кастрычніка, паведамляе СК у сваім тэлеграм-канале.
55-гадовы жыхар Светлагорска знаходзіўся на лячэнні ў аддзяленні траўматалогіі раённай бальніцы, выпіў і стаў неадэкватна сябе паводзіць. Забраўшы ў суседа па палаце кухонны нож, накіраваўся ў рэанімацыйнае аддзяленне.
На калідоры мужчына сустрэў доктара анестэзіёлага-рэаніматолага і ўдарыў нажом у грудзі (непранікальнае раненне). На дапамогу калегу аператыўна прыйшоў іншы доктар, які нейтралізаваў агрэсара.
Пацярпелы шпіталізаваны, а нападнік затрыманы.
Распачатая крымінальная справа (замах на забойства).
Падазраваны нідзе не працуе, раней неаднаразова прыцягваўся да адміністрацыйнай адказнасці за распіццё алкагольных напояў у грамадскім месцы, паведамляе СК.