U televiadučaha Dźmitryja Kachno naradziłasia dačka
13.10.2020 / 11:05
Fota z archiva Dźmitryja Kachno
U televiadučaha Dźmitryja Kachno 12 kastryčnika naradziłasia dačka, pra heta jon paviedamiŭ u svaim Instagram.
«U mianie vielmi dobryja naviny: siońnia maja žonka Nadziuša naradziła nam dačku! Ja vielmi ciabie lublu! I ja ščaślivy», — paviedamiŭ Kachno.
Jon dadaŭ, što dzicia važyć krychu bolš za čatyry kiłahramy, jaje rost 56 santymietraŭ.
U siamji Dźmitryja i Nadziei Kachno heta ŭžo druhoje dzicia. Syn Płaton źjaviŭsia na śviet dva hady tamu.
Dźmitryj Kachno pavinien źjavicca ŭ sud 15 kastryčnika. Jaho buduć sudzić pa artykule 23.4 KaAP «niepadparadkavańnie patrabavańniu słužbovaj asoby». Raniej jon užo atrymlivaŭ 10 sutak za ŭdzieł u niesankcyjanavanym masavym mierapryjemstvie.