MUS: z vieraśnia ŭ Polšču zjechali 10 tysiač biełarusaŭ, va Ukrainu — 3 tysiačy

21.10.2020 / 12:07

Pra heta BiełTA raspavioŭ načalnik departamienta pa hramadzianstvie i mihracyi MUS Alaksiej Biahun.

Pavodle jaho słoŭ, va Ukrainu z vieraśnia zjechali kala 3 tysiač čałaviek, a na terytoryju Polščy — kala 10 tysiač čałaviek. U Łatviju i Litvu, pa słovach Biehuna, — nie bolš za 500 čałaviek.

Taksama Biahun adznačyŭ, što «peŭnyja asoby vykarystali hety ŭnutrypalityčny kryzis dla taho, kab źviarnucca z chadajnictvam ab nadańni statusu biežanca, i vielmi časta stvarali tak zvanuju infarmacyjnuju karcinku, kab pacvierdzić, što zjaŭlajucca achviarami za svaje palityčnyja pohlady na terytoryi Biełarusi».