Трамп і Байдэн правялі заключныя дэбаты і разышліся, не паціснуўшы рук
23.10.2020 / 09:23
Кандыдаты на пасаду прэзідэнта ЗША ад Рэспубліканскай і дэмакратычнай партый Дональд Трамп і Джо Байдэн скончылі дэбаты і разышліся, нават не развітаўшыся.
Супернікі праігнаравалі фармальныя правілы прыстойнасці і не сталі ціснуць рукі па заканчэнні дэбатаў. Мужчыны моўчкі разышліся ў розныя бакі, абнялі сваіх жонак, развіталіся з натоўпам прысутных і пакінулі залу.
Дэбаты паміж дэмакратам і рэспубліканцам прайшлі 23 кастрычніка на сцэне канферэнц-залы ўніверсітэта Белмонт. Дыскусія доўжылася каля паўтары гадзіны, за гэты час Байдэн і Трамп закранулі шэсць пытанняў.
Выбары ў ЗША пройдуць 3 лістапада.