Праваабаронцы: у Мінску сёння затрымалі каля дзясятка жанчын, а таксама брытанскую здымачную групу
24.10.2020 / 17:23
Сёння ў Мінску затрымана больш як 10 удзельніц традыцыйнага жаночага маршу, перадаюць праваабаронцы «Вясны». Некаторыя з іх былі схопленыя на падыходах да месца пачатку шэсця ў скверы Сімона Балівара, пра гэта паведамлялі чытачы «Нашай Нівы»:
Аказалася таксама, што затрымалі здымачную групу Sky news: грамадзянку Вялікабрытаніі Даяну Магнэй, а таксама мясцовых калег Анастасію Лявонаву і Вадзіма Нячаева. Грамадзянка Вялікабрытаніі працуе па акрэдытацыі МЗС. Журналістаў затрымалі на вуліцы Якуба Коласа, завезлі ў Савецкае РУУС, а пасля адпусцілі.
Увечары адпусцілі і палову затрыманых удзельніц маршу.
Спіс затрыманых сёння знойдзеце па спасылцы.