Dvoje dzieciukoŭ napadpitku źjechali ź milicejskaha aŭto jak z horki — ciapier ich čakaje kryminalnaja sprava VIDEA
24.10.2020 / 17:50
Učora, 23 kastryčnika, kala 16 hadzin narad Vaŭkavyskaha addzieła achovy praviaraŭ abjekt u sadovym tavarystvie. Pakul milicyjanty adsutničali, da ich słužbovaj Geely padyšła pjanaja kampanija, jakaja kupałasia pobač.
Dvoje mužčyn vyrašyli vykarystać aŭtamabil u jakaści atrakcyjonu: uźbiralisia na dach i źjazdžali ź jaho jak z vodnaj horki. Pry hetym adzin z mužčyn, zaŭvažyŭšy ŭ sałonie rehistratar, pakazaŭ na kamieru nieprystojny žest.
Supracoŭniki milicyi vyjavili paškodžańni kuzava mašyny, paśla čaho stali šukać, chto b heta moh być. Akazałasia, słužbovym aŭto skarystalisia 34-hadovy i 25-hadovy žychary Vaŭkavyska. Adnaho ŭžo zatrymali i źmiaścili ŭ IČU. Jaho naparnika jašče šukajuć.
Śledčyja raspačali kryminalnuju spravu za złosnaje chulihanstva, paviedamlaje pres-słužba MUS.