Калегі паведамляюць аб затрыманні дацэнта МДЛУ Наталлі Дулінай
30.10.2020 / 17:46
«Трохі спазнюся», — такое паведамленне Наталля Алегаўна даслала пазаштатнаму карэспандэнту Tut.by незадоўга да затрымання. А 16:00 павінна было адбыцца інтэрв'ю, але Наталля Дуліна так і не з'явілася, яе нумар цяпер выключаны.
Фота: Вольга Шукайла, Tut.by
— Яна выйшла з універсітэта, і яе забралі, — распавядае адзін з выкладчыкаў Мінскага дзяржаўнага лінгвістычнага ўніверсітэта.
Як кажа яе калега, дацэнта ля ўніверсітэта затрымлівалі двое: «адзін падышоў, другі падкраўся».
Нагадаем, Наталля Дуліна — адна з выкладчыкаў МДЛУ, якія вырашылі падтрымаць страйк. Яны накіравалі паведамленне пра гэта рэктару.