Падчас землетрусу ў Турцыі загінулі 25 чалавек, пацярпелі больш за 830
31.10.2020 / 11:45
Колькасць пацярпелых у выніку землятрусу магнітудай 6,7 у правінцыі Ізмір на захадзе Турцыі павялічылася да 831. Пра гэта паведаміла ў суботу ўпраўленне па надзвычайных сітуацыях Турцыі.
Ва ўпраўленні таксама паведамілі, што параненыя ёсць не толькі ў Ізміры, але і ў Айдыні, Манісе і Балыкесіры.
Турэцкія ратавальнікі больш за 20 гадзін вядуць работы па пошуку людзей, якія могуць заставацца пад руінамі разбураных дамоў. Уратаваныя не менш за 100 чалавек.